ۇشەۋى جانساقتاۋ بولىمىندە. تۇركىستان وبلىسىندا گاز جارىلىسىنان ءبىر وتباسى زارداپ شەكتى

تۇركىستان وبلىسىنىڭ سوزاق اۋدانىندا جەكە ۇيدە گاز باللونى جارىلىپ، اناسى مەن بەس بالاسى زارداپ شەكتى، دەپ حابارلايدى "ادىرنا" ۇلتتىق پورتالى.  جارىلىستىڭ قاتتى تولقىنى 180 شارشى مەترلىك ءۇيدى تولىعىمەن قيراتىپ، تۇرعىندار ءۇيىندى استىندا قالعان. كورشىلەردىڭ جەدەل كومەگىنىڭ ارقاسىندا زارداپ شەككەندەر ۇيىندىلەر استىنان شىعارىلىپ، اۋداندىق اۋرۋحاناعا جەتكىزىلگەن. دارىگەرلەردىڭ ايتۋىنشا، التى ادامنىڭ بارلىعى ءتۇرلى دارەجەدە كۇيىك العان. قازىرگى تاڭدا ۇشەۋىنىڭ جاعدايى وتە اۋىر، جانساقتاۋ بولىمىندە جاتىر. وقيعا ورنىنا 20 قۇتقارۋشى جۇمىلدىرىلعان. توتەنشە جاعدايلار قىزمەتىنىڭ حابارلاۋىنشا، جارىلىسقا 27 ليترلىك گاز باللونى سەبەپ بولۋى مۇمكىن. قازىرگى ۋاقىتتا جارىلىستىڭ ناقتى سەبەبى انىقتالۋدا.