اكتەر ءشارىپ سەرىپ جاساندى ينتەللەكپەن قۋاندىق بيشىمباەۆتىڭ ءوزىن جۇباتاتىنىن كورسەتكەن ۆيدەو اۆتورىنا قارسى ارىز ءتۇسىردى. بۇل تۋرالى Instagram جەلىسىندە بەينەجازبانىڭ اۆتورى حابارلادى. سونداي-اق مۇنى ءشارىپ سەرىك تە بلوگەر الىشەر ەلىكباەۆقا بەرگەن سۇحباتىندا راستادى، دەپ حابارلايدى “ادىرنا” ۇلتتىق پورتالى.
سەرىك بۇل بەينەجازبا ونىڭ كوڭىلىنە اۋىر تيگەنىن ايتتى.
«مەن بۇل بەينەجازبا تارالعان سوڭ، جالا جابۋ جانە قورلاۋ فاكتىلەرى بويىنشا كيبەرپوليتسياعا ارىز جازدىم»، — دەدى ول سۇحباتىندا.
ال بەينەجازبانى جاساعان اۆتور ءوز جۇمىسىنىڭ «زورلىق-زومبىلىققا قارسى ازاماتتىق ۇستانىمدى شىعارماشىلىق تۇرعىدان جەتكىزۋ» ەكەنىن جانە ونىڭ «قازاقستاندا زورلىق-زومبىلىققا جول جوق» دەگەن اتاۋمەن جاريالانعانىن ءتۇسىندىردى.
«مەن كەز كەلگەن زورلىق-زومبىلىقتى، شاپالاق سالۋدان باستاپ اۋىر قىلمىسقا دەيىنگى زورلىقتى ايىپتايمىن. زورلىق-زومبىلىق قوعامداعى قادىردى، ار-وجداندى جانە نەگىزگى قۇندىلىقتاردى بۇزادى» دەپ جازدى ول الەۋمەتتىك جەلىدە.
سونداي-اق بەينەجازبانىڭ ماقساتى — قازىرگى قوعامدا اگرەسسياعا جول بەرىلمەيتىنىن ەسكە سالۋ ەكەنىن اتاپ ءوتتى.
ەسكە سالا كەتسەك، سۇيىكتىسىن ۇرىپ-سوققان اكتەر ءشارىپ سەرىك 4 ءساۋىر كۇنى قاماۋعا الىنعان ەدى.
