ۇكىمەت بيىلعى ماۋسىم ايىنىڭ سوڭىنا دەيىن كەلەشەگى زور ءاربىر ورتا كاسىپورىننىڭ جۇمىس جوسپارىن ازىرلەۋگە ءتيىس. بۇل تۋرالى بۇگىن ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ مالىمدەدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، قازىر ءىرى ونەركاسىپ جوبالارىن ىسكە قوسۋ جۇمىستارى باياۋ ءجۇرىپ جاتىر.
«مۇنى اكتيۆتەردى قازىناعا قايتارۋ ىسىمەن قاتار جۇرگىزۋ قاجەت. مەن بۇل جونىندە ءىرى بيزنەس وكىلدەرىمەن كەزدەسۋلەردە ايتقانمىن. قازاقستاندا ورتا بۋىنعا جاتاتىن كوشباسشى كومپانيالار شوعىرىن قالىپتاستىرۋ مىندەتى ءالى دە وزەكتى. ۇكىمەت بيىلعى ماۋسىم ايىنىڭ سوڭىنا دەيىن كەلەشەگى زور ءاربىر ورتا كاسىپورىننىڭ جۇمىس جوسپارىن ازىرلەۋگە ءتيىس. ەلىمىزدىڭ سيرەك كەزدەسەتىن مەتالل كەنىشىن، سونىڭ ىشىندە الەمدە سۇرانىس ارتىپ كەلە جاتقان ءليتيدى ءوندىرۋ مەن وڭدەۋ الەۋەتى وتە ۇلكەن. دەمەك ءبىز وسى سالاعا ينۆەستيتسيا مەن وزىق تەحنولوگيالاردى تارتۋىمىز قاجەت. بۇل رەتتە شەتەلدىك ينۆەستورلارعا دا، وتاندىق بيزنەسمەندەرگە دە باسىمدىق بەرگەن ءجون. قازاقستان نارىعىنا گەولوگيالىق بارلاۋمەن اينالىساتىن ءىرى شەتەلدىك كومپانيالار كەلدى. جەر قويناۋىن پايدالانۋ قۇقىعىن اشىق ءارى قاراپايىم تارتىپپەن بولەتىن بىرىڭعاي پلاتفورما ىسكە قوسىلدى. پارلامەنت سەسسياسىنىڭ سوڭىنا دەيىن بۇل جۇمىستىڭ زاڭنامالىق نەگىزىن قامتاماسىز ەتۋ كەرەك. جەر قويناۋىن پايدالانۋ سالاسىنداعى رەفورما ەش كەدەرگىگە قاراماستان جالعاسۋعا ءتيىس. بۇل – ءپرينتسيپتى ۇستانىم. ۇكىمەت مۇنى قاتاڭ تۇردە ساقتاۋى قاجەت»، - دەدى توقاەۆ.
