ءۇش جىل بويى ادىلدىككە قول جەتكىزە الماي جۇرگەن جۇمىسكەرلەر پرەزيدەنتتەن كومەك سۇراۋعا ءماجبۇر. بۇل تۋرالى «ادىرنا» ۇلتتىق پورتالى حابارلايدى.
داۋدىڭ باسى 2017 جىلى باستالعان. «ايقارا» جشس باسشىسى سادىقوۆ بالتاباي قازاقستان رەسپۋبليكاسىنىڭ ۇلتتىق فتيزيوپۋلمونولوگيا عىلىمي ورتالىعىنا قۇرىلىس جۇمىستارىن جۇرگىزۋ ءۇشىن قارجى مينيسترلىگىنەن 194 ميلليون تەڭگە ۇتىپ العان. كەيىن كەلەڭسىزدىكتەر تۋىنداپ، جۇمىس كەلىسىم بويىنشا اياقتالماعان.
«قۇرمەتتى قاسىم جومارت كەمەلۇلى سىزدەن كومەك سۇرايمىز! 2017 جىلى قارجى مينيسترلىگىنەن فتيزيوپۋلمونولوگيا عىلىمي ورتالىعىنا كۇردەلى جوندەۋگە بولىنگەن 194 ميلليون تەڭگەنى ۇتىپ العان ەدىم. وسى جۇمىس بارىسىندا ديرەكتور جولداس ادەنوۆتىڭ كەدەرگىلەرىنىڭ كەسىرىنەن جوبا بىتپەي قالدى. اقشالارىمىزدى تولەمەۋگە تىرىستى. ءبىزدى سوتقا بەردى. الايدا ءبىز سوتتا كىنالى ەمەس ەكەنىمىزدى دالەلدەپ شىقتىق. جوبا بىتپەدى، ىستەگەن جۇمىسىمىزدىڭ اقشاسىن الا الماي دالمىز. سوتقا بەرسەك سوت قولدامايدى، جەمقورلىقپەن كۇرەسۋ مەكەمەسى دە ءىس قوزعاماي وتىر»،- ديرەكتور جشس «ايقارا» سادىقوۆ بالتاباي يبادۋللاەۆيچ.
شاراسىز قالعان جۇمىسكەرلەر قاسىم-جومارت توقاەۆتان «قازاقستان ازاماتى رەتىندە كومەك سۇرايمىن» دەپ بەينە ۇندەۋ جولداعان.
«جوعارىدا ايتىلعانداي ءبىز زاڭدى تۇردە نىساندى قالىپقا كەلتىرۋ ءۇشىن 2017 جىلى جەڭىپ الدىق. سودان جۇمىس باستالعالى باس دارىگەر ادەنوۆ مىرزا جۇمىسقا كەدەرگى بولدى. سەبەبى ءبىزدىڭ ورنىمىزعا باسقا فيرما ىستەۋ كەرەك ەكەن. قىسقاسىن ايتقاندا، ءبىز ءبىرىنشى سوتتا جەڭىپ، ەكىنشى سوتتا جارتىلاي جەڭىلىپ، ءۇشىنشى سوتتا دا جەڭىلىس تاپتىق. 4 جىلدان بەرى ءالى ءوز شەشىمىن تاپپادى. كۇردەلى تەكسەرىس جۇرمەدى. ءبىز وسى ماسەلەنىڭ زاڭدى تۇردە دۇرىس شەشىلۋىن تالاپ ەتەمىز! بىزدە ادىلدىك جوق!»،- ديرەكتوردىڭ ورىنباسارى بايمولداەۆ ەرعالي سەرىكباەۆ.
« 2017 جىلى تامىز ايىندا جۇمىس باستالىپ، تەك 4-5 اي جۇمىس ىستەپ، جۇمىس بارىسىندا اياقتان شالۋ كوبەرىەك بولدى. 4 ايدىڭ اقشاسىن الا الماي ءالى ءجۇرمىز. فيرمانىڭ 80 ميلليون اقشاسى ءالى دە بار. ونىڭ ىشىندە جۇمىسكەرلەردىڭ جالاقىلارى بار»، - نىسان جەتەكشىسى مۋسيراليەۆ ەرتاي.
«نەگىزى نىسان 9 اي بويى جۇمىس ىستەلۋى كەرەك بولاتىن. ءبولىم باسشىلارى ءبىزدىڭ وسىندا جۇمىس ىستەگەنىمىزدى قالامادى. كوپتەگەن جوسپارلانعان جۇمىس اياقسىز قالدى. ءۇش جىل بويى سوتتاسىپ، ءالى ادىلدىك الا الماي ءجۇرمىز»،- پتو باسشىسى گريگوري نيكولاەۆيچ.
ءۇش جىلدان بەرى شەشىمىن تاپپاعان بۇل ماسەلەنىڭ ارتىندا ۇلكەن جەمقورلىق پەن ادىلەتسىزدىك جاتقانى ايقىن. امالى قالماعان ادامداردىڭ الاساپىران كۇيى جوعارى جاققا جەتىپ، ادىلدىك ورىن الاتىنىنا سەنەمىز!
«ادىرنا» ۇلتتىق پورتالى
