قازاقستان رەسپۋبليكاسىنىڭ يندۋستريا جانە قۇرىلىس ءمينيسترى قانات شارلاپاەۆ قازاقستان رەگبي فەدەراتسياسىنىڭ پرەزيدەنتى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
2025 جىلدىڭ 25 قاڭتارىندا "QAZAQSTAN RUGBY" زاڭدى تۇلعالار بىرلەستىگىنىڭ كەزەكتەن تىس جالپى جينالىسىندا قانات بيسيمبايۇلى شارلاپاەۆ فەدەراتسيانىڭ جاڭا باسشىسى رەتىندە ءبىراۋىزدان سايلاندى.
فەدەراتسيا جاڭا باسشىنىڭ جەتەكشىلىگىمەن كەلەسى باعىتتارعا باسا نازار اۋدارىلاتىنى حابارلانعان:
- رەسپۋبليكا بويىنشا بالالار مەن جاسوسپىرىمدەر سەكتسيالارىنىڭ قولجەتىمدىلىگىن ارتتىرۋ;
- حالىقارالىق ارەنادا جەتىستىكتەرگە جەتكەن ايەلدەر قۇراماسىن قولداۋ;
- مامانداندىرىلعان ينفراقۇرىلىمدى سالۋ جانە جاڭعىرتۋ;
- الەۋمەتتىك جەلىلەر، مەديا جوبالار مەن سپورتتىق ءىس-شارالار ارقىلى رەگبيدى بەلسەندى تۇردە ناسيحاتتاۋ.
ۇقساس جاڭالىقتار
