«Regal House Publishing» باسپاسىنان امەريكالىق جازۋشى دجۋديت لينبەرگ «اقمارال» رومانى جارىققا شىقتى. بۇل تۋرالى “ەگەمەن قازاقستان” باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، روماندا ەجەلگى ورتالىق ازيا القابىندا ءومىر سۇرگەن كوشپەلى تايپادان شىققان جاۋىنگەر ايەلدىڭ تاعدىرى سۋرەتتەلگەن. تۋىندى قازىر اقش-تىڭ كىتاپ دۇكەندەرىندە ساتىلىپ جاتىر. وقيعالارى وزگەشە، تاقىرىبى تىڭ بولعاندىقتان، اتالعان شىعارما مۇحيتتتىڭ ار جاعىنداعى ادەبي سىنشىلاردىڭ دا نازارىن اۋدارىپتى.
«اقمارال» – ب.ز.د. V عاسىردا ورتالىق ازيا دالاسىندا ءومىر سۇرگەن كوشپەلى ايەل-جاۋىنگەر تۋرالى رومان. بۇل تۋىندى قازاقستانداعى ەسىكتەن تابىلعان التىن ادام مەن تىۆادان تابىلعان ءسىبىر مۇز حانشاسى تۋرالى ارحەولوگيالىق زەرتتەۋلەرگە نەگىزدەلگەن. اتالعان تاقىرىپقا قاتتى قىزىقتىم. گرەك تاريحشىسى گەرودوتتىڭ ترويا سوعىسىنا قاتىسقان امازونكالار تۋرالى جازبالارىن دا زەرتتەدىم. وسى كىتاپقا كىرىسپەس بۇرىن شىعارماشىلىق ىزدەنىس اياسىندا تاريحقا، ورتالىق ازيانىڭ كەڭ كوسىلگەن القابىنا جانە مادەنيەتىنە تەرەڭ ءۇڭىلدىم. شىعارمانى جازۋ بارىسىندا كوشپەلىلەردىڭ مال شارۋاشىلىعى مەن اڭشىلىققا نەگىزدەلگەن ءداستۇرلى ءومىر سالتىن تۇسىنۋگە تىرىستىم. مەنىڭ ماقساتىم – وسى ۇمىت قالعان كونە مادەنيەتتى ادامزات تاريحىنىڭ ۇلكەن حرونولوگياسىندا كورسەتۋ بولدى»، دەيدى شىعارما اۆتورى “ەگەمەن قازاقستان” باسىلىمىنا بەرگەن سۇحباتىندا.
