Amerikalyq avtor "Aqmaral" romanyn jaryqqa şyǧardy

«Regal House Publishing» baspasynan amerikalyq jazuşy Djudit Linberg «Aqmaral» romany jaryqqa şyqty. Būl turaly “Egemen Qazaqstan” basylymy jariialady, dep habarlaidy “Adyrna” ūlttyq portaly.

Aqparatqa süiensek, romanda ejelgı Ortalyq Aziia alqabynda ömır sürgen köşpelı taipadan şyqqan jauynger äieldıŋ taǧdyry surettelgen. Tuyndy qazır AQŞ-tyŋ kıtap dükenderınde satylyp jatyr. Oqiǧalary özgeşe, taqyryby tyŋ bolǧandyqtan, atalǧan şyǧarma mūhitttyŋ ar jaǧyndaǧy ädebi synşylardyŋ da nazaryn audarypty.

«Aqmaral» – b.z.d. V ǧasyrda Ortalyq Aziia dalasynda ömır sürgen köşpelı äiel-jauynger turaly roman. Būl tuyndy Qazaqstan­da­ǧy Esıkten tabylǧan Altyn adam men Tyvadan tabylǧan Sıbır mūz hanşasy turaly arheologiia­lyq zertteulerge negızdelgen. Atalǧan taqyryp­qa qatty qyzyqtym. Grek tarihşysy Gerodot­tyŋ Troia so­ǧysyna qatysqan amazonkalar turaly jazbalaryn da zerttedım. Osy kıtapqa kırıspes būryn şyǧarmaşylyq ızdenıs aiasynda tarihqa, Ortalyq Aziianyŋ keŋ kösılgen alqabyna jäne mäde­nietıne tereŋ üŋıldım. Şyǧar­many jazu barysynda köşpe­lılerdıŋ mal şaruaşylyǧy men aŋşylyqqa negızdelgen dästürlı ömır saltyn tüsınuge tyrys­tym. Menıŋ maqsatym – osy ūmyt qalǧan köne mädeniettı adamzat tarihynyŋ ülken hronologiia­synda körsetu boldy», deidı şyǧarma avtory “Egemen Qazaqstan” basylymyna bergen sūhbatynda.