سەمەي قالاسىندا مۇعالىمنىڭ قالالىق شىرشانى بەزەندىرۋ كەزىندە بيىكتەن قۇلاپ، اۋىر جاراقات الۋ وقيعاسى بويىنشا تەرگەۋ جالعاسۋدا. قالالىق اكىمنىڭ ورىنباسارى ارايبەك حامزاەۆ وسى ءىس بويىنشا كۇدىكتى دەپ تانىلدى، دەپ حابارلايدى "ادىرنا" ۇلتتىق پورتالى.
باس پروكۋراتۋرانىڭ مالىمەتىنشە، تەرگەۋ "اۋىر زارداپتارعا اكەپ سوققان بيلىكتى نەمەسە لاۋازىمدىق وكىلەتتىكتەردى اسىرا پايدالانۋ" بابى بويىنشا جۇرگىزىلىپ جاتىر. اكىم ورىنباسارىنا قاتىستى تەرگەۋ وتكەن جىلدىڭ 27 جەلتوقسانىندا باستالعان. ول مۇعالىمدەردى قىزمەتتىك مىندەتتەرىنە كىرمەيتىن جۇمىسقا تارتقانى ءۇشىن ايىپتالىپ وتىر.
ەسكە سالا كەتەيىك، 21 جەلتوقسان كۇنى سەمەيدە قالالىق شىرشانى بەزەندىرۋ كەزىندە مۇعالىم قۋات ايتقالي بيىكتەن قۇلاپ، اۋىر جاراقات العان بولاتىن. بۇل وقيعا قوعامدا ۇلكەن نارازىلىق تۋعىزىپ، وقۋ-اعارتۋ ءمينيسترى عاني بەيسەمباەۆ مۇعالىمدەردى ءوز مىندەتىنە جاتپايتىن جۇمىستارعا تارتۋعا بولمايتىنىن قاتاڭ ەسكەرتكەن ەدى.
8 قاڭتاردا مينيستر مۇعالىمنىڭ اۋرۋحانادان شىعارىلعانىن مالىمدەدى. قازىرگى ۋاقىتتا وقيعاعا جاۋاپتىلاردىڭ ءىس-ارەكەتتەرىنە قۇقىقتىق باعا بەرىلىپ جاتىر.
