اباي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى زاڭ فاكۋلتەتىنىڭ 2004 جىلعى ستۋدەنتىن پەدوفيليا ءۇشىن ءومىر بويىنا باس بوستاندىعىنان ايىرۋعا ۇكىم شىعاردى، دەپ حابارلايدى "ادىرنا" ۇلتتىق پورتالى.
«جابىق سوت وتىرىسىندا 2004 جىلى تۋعان زاڭ فاكۋلتەتىنىڭ ستۋدەنتىنە قاتىستى قىلمىستىق ءىس قارالدى. ول كامەلەتكە تولماعاندارعا قاتىستى زورلاۋ (قك 120-بابى، 4-بولىگى), سونداي-اق سەكسۋالدىق سيپاتتاعى زورلىق-زومبىلىق ارەكەتتەرى (قك 121-بابى، 4-بولىگى) بويىنشا ايىپتالعان. سوتتىڭ ۇكىمىمەن ول كىنالى دەپ تانىلىپ، قىلمىستار جيىنتىعى بويىنشا ءومىر بويىنا باس بوستاندىعىنان جانە پەداگوگيكالىق قىزمەتپەن نەمەسە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋ قۇقىعىنان ايىرىلدى»، – دەلىنگەن حابارلامادا.
سوت ماتەريالدارىنا سايكەس، ايىپتالۋشى سەمەي قالاسىندا 2022 جىلدىڭ مامىرىندا جانە 2025 جىلدىڭ قاڭتارىندا 12 جانە 13 جاستاعى كامەلەتكە تولماعاندارعا قاتىستى قىلمىس جاساعان.
ايىپتالۋشى كىناسىن مويىنداماي، سوتتان ءوزىن اقتاۋدى سۇراعان.
ول جازاسىن قىلمىستىق-اتقارۋ جۇيەسىنىڭ ەرەكشە قاۋىپسىزدىك مەكەمەسىندە وتەيتىن بولادى.
