دەنە شىنىقتىرۋ جانە بۇقارالىق سپورت اكادەمياسىنىڭ ۇيىمداستىرۋىمەن وتكەن VISION 2025 ءىس-شاراسى سپورت مەنەدجمەنتىنىڭ جاڭا كوشباسشىلارىن دايارلاۋ ءۇشىن ماڭىزدى الاڭ بولدى. بۇل شاراعا تۋريزم جانە سپورت ءمينيسترى ەربول مىرزابوسىنوۆ جانە عىلىم جانە جوعارى ءبىلىم ءمينيسترى ساياسات نۋربەك قاتىستى. ولار سپورت سالاسىنداعى ءبىلىم مەن مەنەدجمەنتتى دامىتۋ ەل ءۇشىن اسا ماڭىزدى ەكەنىن اتاپ ءوتتى.
ءىس-شارادا يننوۆاتسيالىق Executive MBA (EMBA) Sport Management باعدارلاماسى تۇلەكتەرىنە ديپلوم تاپسىرۋ ءراسىمى ءوتتى. بۇل باعدارلاما حالىقارالىق سەرىكتەستەرمەن بىرلەسىپ ازىرلەنىپ، قازاقستاندا سپورت باسقارۋدى جاڭا دەڭگەيگە كوتەرۋ ماقساتىندا جۇزەگە اسىرىلدى.
دەنە شىنىقتىرۋ جانە بۇقارالىق سپورت اكادەمياسى (بۇدان ءارى APEMS) قازاقستان رەسپۋبليكاسىنىڭ دەنە شىنىقتىرۋ مەن سپورتتى دامىتۋدىڭ 2026 جىلعا دەيىنگى تۇجىرىمداماسى اياسىندا 2021 جىلى استانا قالاسىندا اشىلدى. APEMS سپورت سالاسى ءۇشىن كادرلار دايارلاۋدىڭ جەتەكشى جالپىۇلتتىق ورتالىعى بولۋدى ماقسات ەتكەن.
«APEMS جوعارى بىلىكتى ماماندار دايارلاۋدىڭ باكالاۆريات جانە ماگيستراتۋرا دەڭگەيىندە بولاشاق دەنە شىنىقتىرۋ پەداگوگتەرىن، سپورت تۇرلەرى بويىنشا ترەنەرلەردى، سپورت مەنەدجەرلەرىن، سپورت پسيحولوگتارى مەن باسقا دا سپورت سالاسىنا كادرلار دايارلايدى.
بۇل ءىس-شارا قازاقستانداعى سپورت سالاسىنداعى باسقارۋشىلاردى دايارلاۋ، سپورت ينفراقۇرىلىمىن دامىتۋ جانە حالىقارالىق تاجىريبەنى ەنگىزۋ ءۇشىن ۇلكەن قادام بولدى»،—دەپ جازدى تۋريزم جانە سپورت مينيسترلىگى.
