Dene şynyqtyru jäne būqaralyq sport akademiiasynyŋ ūiymdastyruymen ötken VISION 2025 ıs-şarasy sport menedjmentınıŋ jaŋa köşbasşylaryn daiarlau üşın maŋyzdy alaŋ boldy. Būl şaraǧa Turizm jäne sport ministrı Erbol Myrzabosynov jäne Ǧylym jäne joǧary bılım ministrı Saiasat Nurbek qatysty. Olar sport salasyndaǧy bılım men menedjmenttı damytu el üşın asa maŋyzdy ekenın atap öttı.
Is-şarada innovasiialyq Executive MBA (EMBA) Sport Management baǧdarlamasy tülekterıne diplom tapsyru räsımı öttı. Būl baǧdarlama halyqaralyq serıktestermen bırlesıp äzırlenıp, Qazaqstanda sport basqarudy jaŋa deŋgeige köteru maqsatynda jüzege asyryldy.
Dene şynyqtyru jäne būqaralyq sport akademiiasy (būdan ärı APEMS) Qazaqstan Respublikasynyŋ dene şynyqtyru men sportty damytudyŋ 2026 jylǧa deiıngı tūjyrymdamasy aiasynda 2021 jyly Astana qalasynda aşyldy. APEMS sport salasy üşın kadrlar daiarlaudyŋ jetekşı jalpyūlttyq ortalyǧy boludy maqsat etken.
«APEMS joǧary bılıktı mamandar daiarlaudyŋ bakalavriat jäne magistratura deŋgeiınde bolaşaq dene şynyqtyru pedagogterın, sport türlerı boiynşa trenerlerdı, sport menedjerlerın, sport psihologtary men basqa da sport salasyna kadrlar daiarlaidy.
Būl ıs-şara Qazaqstandaǧy sport salasyndaǧy basqaruşylardy daiarlau, sport infraqūrylymyn damytu jäne halyqaralyq täjıribenı engızu üşın ülken qadam boldy»,—dep jazdy Turizm jäne sport ministrlıgı.
