مەملەكەت باسشىسى رەسەي پرەزيدەنتىمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى Aqorda-عا سىلتەپ.
رەسەي تاراپىنىڭ باستاماسىمەن قاسىم-جومارت توقاەۆ ۆلاديمير پۋتينمەن تەلەفون ارقىلى سويلەستى.
پرەزيدەنتتەر اقتاۋ قالاسىنىڭ ماڭىندا Azerbaijan Airlines كومپانياسى ۇشاعىنىڭ اپاتقا ۇشىراپ، قازاقستان جانە رەسەي ازاماتتارىنىڭ قازا تابۋىنا بايلانىستى ءبىر-بىرىنە كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
قاسىم-جومارت توقاەۆ پەن ۆلاديمير پۋتين اپات سەبەپتەرىن انىقتاۋ ءۇشىن تاراپتاردىڭ اتقارىپ جاتقان جۇمىستارىن تالقىلادى. مەملەكەت باسشىسى قازاقستان رەسپۋبليكاسىنىڭ ۇكىمەتتىك كوميسسياسى تەرگەۋ ءىسىن ازەربايجان، رەسەي جانە برازيليا ەلدەرىنىڭ ماماندارىن تارتا وتىرىپ جۇرگىزىپ جاتقانىن ايتتى.
پرەزيدەنتتەر تەرگەۋ امالدارىن جان-جاقتى جانە اشىق جۇرگىزۋدىڭ ماڭىزدى ەكەنىن اتاپ ءوتتى.
