اقوردا قاسىم-جومارت توقاەۆ پەن ۆلاديمير ءپۋتيننىڭ بەيرەسمي كەزدەسۋ وتكىزگەنىن جاريالادى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا قازاقستان پرەزيدەنتى قاسىم-جومارت توقاەۆ ەكى ەل اراسىنداعى قارىم-قاتىناستىڭ ستراتەگيالىق سەرىكتەستىك پەن وداقتاستىق سيپاتقا يە ەكەنىن اتاپ ءوتتى.
بارلىق باعىتتا بىرلەسە جۇمىس اتقارىپ كەلەمىز. مەملەكەتتەرىمىز اراسىندا ەشقانداي تۇيتكىل جوق. ماسەلە تۋىنداعان جاعدايدا دا ونى پرەزيدەنتتەر مەن ۇكىمەتتەر باسشىلارىنىڭ كۇش-جىگەرى ارقاسىندا وڭ شەشىمىن تابۋعا بولادى، – دەدى توقاەۆ.
رەسەي پرەزيدەنتى ۆلاديمير پۋتين شەكارالاس ەكى ەلدىڭ ۇدايى بايلانىستا ەكەنىن جانە مەملەكەتارالىق قاتىناستارداعى پروتوكولدىق راسىمدەردىڭ ماڭىزدى ەكەنىن اتاپ ءوتتى.
بۇگىن بەيرەسمي جاعدايدا كەزدەسىپ، بارلىق وزەكتى ماسەلەلەردى تالقىلايمىز. ەرتەڭ ارىپتەستەرمەن بىرگە ەكىجاقتى قارىم-قاتىناستىڭ كۇن ءتارتىبىن قاراستىرامىز جانە پەرسپەكتيۆتى باعىتتارعا نازار اۋدارامىز – دەدى پۋتين.
ەسكە سالا كەتەيىك، بۇعان دەيىن كرەملدە قاسىم-جومارت توقاەۆ پەن ۆلاديمير ءپۋتيننىڭ بەيرەسمي كەزدەسۋى باستالعانى حابارلانعان بولاتىن.
