Terminals Astana Airport Management جشس مەن اراب كومپانياسى اراسىندا جاسالعان سەنىمگەرلىك باسقارۋ شارتىنىڭ مەرزىمى اياقتالۋىنا بايلانىستى «نۇرسۇلتان نازارباەۆ حالىقارالىق اۋەجايى» اق-نىڭ بارلىق اكتسيالارى استانا قالاسىنىڭ كوممۋنالدىق مەنشىگىنە ءوتتى، دەپ حابارلايدى "ادىرنا" ۇلتتق پورتالى استانا قالاسىنىڭ اكىمدىگىنە سىلتەپ.
«2023 جىلدىڭ 7 قاراشاسىندا باستالعان سەنىمگەرلىك باسقارۋ شارتىنىڭ مەرزىمى 2025 جىلدىڭ 7 قاڭتارىندا اياقتالدى. اۋەجاي اكتسيالارىنىڭ يەسى وزگەرگەنىنە بايلانىستى قازىرگى ۋاقىتتا ەلوردا اكىمدىگى مەن Terminals Astana Airport Management جشس اراسىندا سەنىمگەرلىك باسقارۋدىڭ جاڭا شارتىن جاساسۋعا دايىندىق ءجۇرىپ جاتىر»، – دەلىنگەن رەسمي مالىمدەمەدە.
ايتا كەتەيىك، 2023 جىلى قاراشادا استانا حالىقارالىق اۋەجايى Terminals Holding كومپانياسىمەن بىرلەسكەن جۇمىستى باستاعان بولاتىن. ەندى اۋەجايدىڭ بولاشاقتاعى قىزمەتى جاڭا شارتتار نەگىزىندە ۇيىمداستىرىلماق.
ۇقساس جاڭالىقتار
