گاۋحار تاناشەۆا پارلامەنتتەن كەتتى. ونىڭ وتستاۆكاسىن ورتالىق كوميسسيا راستاعان، دەپ حابارلايدى "ادىرنا"ۇلتتىق پورتالى.
دەپۋتات تاناشەۆانىڭ ورنىنا قازاقستان حالىق پارتياسى اتىنان پارلامەنتكە اسىلبەك نۇرالين دەپۋتات بولدى.
ەكس-دەپۋتاتتىڭ پارلامەنتتەن كەتكەنى تۋرالى جۋرناليستەردىڭ سۇراعىنا ارىپتەستەرى يرينا سميرنوۆا مەن ماگەررام ماگەرراموۆ جاۋاپ بەرگەن. سميرنوۆا پارتيا ىشىندە روتاتسيا جۇرگىزىلىپ تۇراتىنىن، بۇل قالىپتى قۇبىلىس ەكەنىن ايتتى.
ول “بۇل روتاتسيا تاناشەۆانىڭ كەلىسىمىمەن جاسالدى ما” دەگەن سۇراققا ول “جوق” دەپ جاۋاپ بەردى. الايدا ماگەرراموۆ تاناشەۆا ءوز كەلىسىمىمەن پارلامەنتتەن كەتكەنىن ايتادى.
بىلتىر 23 جەلتوقساندا پارتيالىق بيۋرو وتىرىسى وتكەن بولاتىن. سول كەزدە روتاتسيا ماسەلەسى قارالدى. دەپۋتات تاناشەۆانىڭ مانداتىن قايتارىپ الدىق. ونىڭ ورنىنا پارتيالىق ءتىزىم بويىنشا اسىلبەك نۇرالين كەلدى. بۇل قانداي دا ءبىر جەكە ماسەلەلەرمەن بايلانىستى ەمەس. مەملەكەت باسشىسى 2025 جىلدى جۇمىسشى ماماندىقتاردىڭ جىلى رەتىندە جاريالادى. اسىلبەك جاماشۇلى – مەتاللۋرگتەردىڭ ءىرى كاسىپوداعىنىڭ باسشىسى، - دەيدى ماگەرراموۆ.
الەۋمەتتىك جەلىدە تاناشەۆانىڭ پارلامەنتتە مەملەكەتتىك جۇيەلەر تۋرالى ايتقان ۆيدەوسى تارعان.
اسىلبەك نۇرالين 15 قاڭتار كۇنى دەپۋتات رەتىندە انت بەردى. پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆ اسىلبەك نۇرالين ءوزى جەتەكشىلىك ەتەتىن كوميتەت قۇرامىنا ەنگىزىلەتىنىن، جاڭا دەپۋتاتتىڭ كاسىپوداق سالاسىندا كوپ تاجىريبەسى بارىن ايتتى.
