Gaýhar Tanasheva Parlamentten ketti. Onyń otstavkasyn Ortalyq komıssııa rastaǵan, dep habarlaıdy "Adyrna"ulttyq portaly.
Depýtat Tanashevanyń ornyna Qazaqstan halyq partııasy atynan Parlamentke Asylbek Nuralın depýtat boldy.
Eks-depýtattyń Parlamentten ketkeni týraly jýrnalısterdiń suraǵyna áriptesteri Irına Smırnova men Magerram Magerramov jaýap bergen. Smırnova partııa ishinde rotaııa júrgizilip turatynyn, bul qalypty qubylys ekenin aıtty.
Ol “Bul rotaııa Tanashevanyń kelisimimen jasaldy ma” degen suraqqa ol “joq” dep jaýap berdi. Alaıda Magerramov Tanasheva óz kelisimimen Parlamentten ketkenin aıtady.
Byltyr 23 jeltoqsanda partııalyq bıýro otyrysy ótken bolatyn. Sol kezde rotaııa máselesi qaraldy. Depýtat Tanashevanyń mandatyn qaıtaryp aldyq. Onyń ornyna partııalyq tizim boıynsha Asylbek Nuralın keldi. Bul qandaı da bir jeke máselelermen baılanysty emes. Memleket basshysy 2025 jyldy jumysshy mamandyqtardyń jyly retinde jarııalady. Asylbek Jamashuly – metallýrgterdiń iri kásipodaǵynyń basshysy, - deıdi Magerramov.
Áleýmettik jelide Tanashevanyń Parlamentte memlekettik júıeler týraly aıtqan vıdeosy tarǵan.
Asylbek Nuralın 15 qańtar kúni depýtat retinde ant berdi. Parlament májilisiniń áleýmettik-mádenı damý komıtetiniń tóraǵasy Ashat Aımaǵambetov Asylbek Nuralın ózi jetekshilik etetin komıtet quramyna engiziletinin, jańa depýtattyń kásipodaq salasynda kóp tájirıbesi baryn aıtty.
