وڭتۇستىك كورەيادا اپاتقا ۇشىراعان ۇشاقتىڭ قارا جاشىگى تۋرالى اقپارات تارادى، دەپ حابارلايدى "ادىرنا" ۇلتتىق پورتالى CNN-گە سىلتەپ.
Boeing 737-800 ۇشاعىنىڭ رەگيستراتورلارى اپاتقا ءتورت مينۋت قالعاندا جازۋدى توقتاتقانى حابارلاندى.
وڭتۇستىك كورەياداعى ۇشاق اپاتىن تەرگەپ جاتقان ماماندار "قارا جاشىكتەردەگى" اقپاراتتى تەكسەرگەن. ول بانگكوكتان ۇشقان Jeju Air 7C 2216 رەيسىنىڭ 29 جەلتوقساندا مۋان اۋەجايىندا نە سەبەپتى قۇلاعانىن انىقتاۋعا كومەكتەسەدى دەپ جوسپارلانعان.
الايدا، كولىك دەپارتامەنتى ۇشاق بورتىنداعى ۇشۋدى جازۋ قۇرىلعىسى (CVR) مەن ۇشۋ دەرەكتەرىن جازۋ قۇرىلعىسى (FDR) اپاتقا ءتورت مينۋت قالعاندا جۇمىس ىستەۋىن توقتاتقانىن ايتتى.
«CVR جانە FDR دەرەكتەرى اۋە اپاتىن تەرگەۋ ءۇشىن ماڭىزدى، بىراق تەرگەۋ ءارتۇرلى دەرەكتەر كوزدەرىن تالداۋ ارقىلى جۇرگىزىلەدى، سوندىقتان ءبىز اپاتتىڭ سەبەبىن ءدال انىقتاۋ ءۇشىن بار كۇش-جىگەرىمىزدى سالۋدى جوسپارلاپ وتىرمىز»، - دەدى مينيسترلىك.
