ورالدا اك زاۋىتىنىڭ جۇمىسشىسى قازا تاپتى، - دەپ حابارلايدى “ادىرنا” ۇلتتىق پورتالى 24.kz سايتىنا سىلتەمە جاساپ.
ەڭبەك ينسپەكتسياسى مارقۇمنىڭ كاسىپورىندا تاسىمالداۋشى بولىپ جۇمىس ىستەگەنىن حابارلادى. اۋىسىم كەزىندە ونى اۆتوماتتى جيناقتاعىش قىسىپ قالعان. 51 جاستاعى ەر ادام العان جاراقاتتارىنان كوز جۇمدى.
وقيعانىڭ ءمان-جايى مەن سەبەپتەرىن ارنايى كوميسسيا انىقتاپ جاتىر. بۇل جىل باسىنان بەرى جۇمىس ورنىندا تىركەلگەن ءۇشىنشى ءولىم.
العاشقى ەكەۋى كوممۋنالدىق كاسىپورىنداردىڭ بىرىندە جانە چينارەۆسكوە مۇناي-گاز كوندەنساتى كەن ورنىندا بولدى.
«تەرگەۋ 10 جۇمىس كۇنىنە سوزىلادى، تەرگەۋ اياقتالعاننان كەيىن ماتەريالداردىڭ كوشىرمەلەرى قر قىلمىستىق كودەكسىنىڭ 156-بابىنا سايكەس پروتسەسسۋالدىق شەشىم قابىلداۋ ءۇشىن بەرىلەدى. كىنالىلەر انىقتالعان جاعدايدا باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك قاراستىرىلعان»، - دەدى باتىس قازاقستان وبلىسى بويىنشا ەڭبەك ينسپەكتسياسى جونىندەگى دەپارتامەنتىنىڭ باسشىسى اسلان لۇقپانوۆ.
