Ońtústik Koreıada apatqa ushyraǵan ushaqtyń qara jáshigi týraly aqparat tarady, dep habarlaıdy "Adyrna" ulttyq portaly CNN-ge siltep.
Boeing 737-800 ushaǵynyń regıstratorlary apatqa tórt mınýt qalǵanda jazýdy toqtatqany habarlandy.
Ońtústik Koreıadaǵy ushaq apatyn tergep jatqan mamandar "qara jáshikterdegi" aqparatty teksergen. Ol Bangkoktan ushqan Jeju Air 7C 2216 reısiniń 29 jeltoqsanda Mýan áýejaıynda ne sebepti qulaǵanyn anyqtaýǵa kómektesedi dep josparlanǵan.
Alaıda, Kólik departamenti ushaq bortyndaǵy ushýdy jazý qurylǵysy (CVR) men ushý derekterin jazý qurylǵysy (FDR) apatqa tórt mınýt qalǵanda jumys isteýin toqtatqanyn aıtty.
«CVR jáne FDR derekteri áýe apatyn tergeý úshin mańyzdy, biraq tergeý ártúrli derekter kózderin taldaý arqyly júrgiziledi, sondyqtan biz apattyń sebebin dál anyqtaý úshin bar kúsh-jigerimizdi salýdy josparlap otyrmyz», - dedi mınıstrlik.
