كحدر وڭتۇستىك كورەياعا تاعى دا قوقىس تولتىرىلعان شار جىبەرگەن. ەل بيلىگى ازاماتتارعا شارلارعا جولاماۋ كەرەكتىگىن ەسكەرتتى، دەپ حابارلايدى "ادىرنا" ۇلتتىق پورتالى Yonhap-قا سىلتەپ.
سەۋل قالاسىنىڭ اكىمشىلىگى قالادا سولتۇستىك كورەيانىڭ ۇگىت-ناسيحات پاراقشالارى بار بەلگىسىز نىساننىڭ ۇشىپ بارا جاتقانى تۋرالى تۇرعىندارعا SMS جولدادى.
«ءبىز سولتۇستىك كورەياعا ءوزىنىڭ ادامگەرشىلىككە جاتپايتىن جانە ورەسكەل ارەكەتتەرىن دەرەۋ توقتاتۋىن قاتاڭ ەسكەرتەمىز»، - دەدى وڭتۇستىك كورەيانىڭ بىرىككەن شتاب باستىقتارى.
شارلاردى جىبەرەر الدىندا سولتۇستىك كورەيا قورعانىس ءمينيسترىنىڭ ورىنباسارى كيم گانگ ير رەسپۋبليكا اۋماعىندا وڭتۇستىك كورەيا تاراتقان ۇگىت-ناسيحات ماتەريالدارى بايقالعانىن ايتتى.
بۇعان دەيىن 28 جانە 29 مامىردا سولتۇستىك كورەيا وڭتۇستىك كورەياعا قوقىس پەن ءناجىس تولتىرىلعان 260-قا جۋىق شار جىبەرگەنى حابارلانعان بولاتىن.
