وزبەكستان 2027 جىلدان باستاپ پوليەتيلەن پاكەتتەردى ءوندىرۋ، يمپورتتاۋ جانە قولدانۋعا تولىق تىيىم سالۋدى كوزدەپ وتىر، دەپ حابارلايدى "ادىرنا" ۇلتتىق پورتالى.
بۇل شارا ەلدەگى پلاستيكپەن لاستانۋدى ازايتۋعا ارنالعان ۇلتتىق باعدارلامانىڭ اياسىندا جۇزەگە اسىرىلادى.
2025-2027 جىلدارعا ارنالعان ۇلتتىق باعدارلاما جوباسىندا ەكولوگيالىق قاۋىپسىز، بيوىدىرايتىن پاكەتتەردى قولدانۋدى ىنتالاندىرۋ قاراستىرىلعان. سونىمەن قاتار، پلاستيك قۇرامىنداعى زياندى حيميالىق زاتتاردى شەكتەۋ جانە قايتا وڭدەلگەن پلاستيكتى پايدالانۋ مىندەتتەمەلەرى ەنگىزىلمەك.
پرەزيدەنت جارلىعىنىڭ جوباسىنا سايكەس، 2025 جىلدىڭ قاراشاسىنا دەيىن پلاستيك قاپتاماداعى ونىمدەردى وندىرۋشىلەر مەن يمپورتتاۋشىلارعا تالاپتار قويىلماق. ناقتىراق ايتقاندا، پلاستيك قاپتامانى قايتا قابىلداۋ جۇيەسىن ۇيىمداستىرۋ، پلاستيكتى جيناۋ جانە قايتا وڭدەۋ ءۇشىن ارنايى پۋنكتتەر قۇرۋ جانە پلاستيك قاپتاما ءۇشىن ۋتيليزاتسيالىق الىم ەنگىزۋ كوزدەلەدى.
الەم بويىنشا قازىردىڭ وزىندە 100-دەن استام مەملەكەت پوليەتيلەن پاكەتتەردى قولدانۋعا شەكتەۋ ەنگىزگەن. وزبەكستانداعى بۇل باستاما قىرعىزستاننىڭ 2027 جىلعا جوسپارلانعان پوليمەر پاكەتتەر مەن پلاستيك بۇيىمدارعا تىيىم سالۋ شارالارىمەن قاتار جۇزەگە اسپاق.
