وزبەكستان پرەزيدەنتى شاۆكات ميرزيوەۆ ءتۇرلى قىلمىس جاساعانى ءۇشىن سوتتالعان 523 ادامعا راقىمشىلىق جاساۋ تۋرالى جارلىققا قول قويدى، دەپ حابارلايدى «ادىرنا» ءتىلشىسى.
شەشىم ەل تاۋەلسىزدىگىنىڭ 34 جىلدىعىنا وراي قابىلدانىپ وتىر.
جارلىققا سايكەس، شامامەن 200 ادام نەگىزگى جازاسىن وتەۋدەن تولىق بوساتىلسا، قالعاندارىنىڭ جازا مەرزىمى جەڭىلدەتىلەدى نەمەسە قاماۋدا ۇستاۋ جاعدايلارى وزگەرتىلەدى.
راقىمشىلىققا ىلىككەندەردىڭ اراسىندا 45 ايەل، 60 جاستان اسقان 31 ادام جانە 30 جاسقا دەيىنگى 200-دەن استام ادام بار، ولاردىڭ بىرەۋى — كامەلەتكە تولماعان ءجاسوسپىرىم. سونداي-اق تىزىمدە تىيىم سالىنعان ۇيىمداردىڭ قىزمەتىنە قاتىسقانى ءۇشىن سوتتالعان 15 ادام جانە 8 شەتەلدىك بار، ولاردىڭ التاۋى – تاجىكستان ازاماتتارى.
جارلىقتى ورىنداۋ شەڭبەرىندە جاۋاپتى ۆەدومستۆولارعا راقىمشىلىق العان ادامداردى وتباسىنا قايتارۋ، ولاردىڭ قوعامعا بەيىمدەلۋىنە جاردەمدەسۋ جانە جۇمىسقا ورنالاستىرۋ جونىندە تاپسىرمالار بەرىلدى.
