6 قاڭتاردا كانادا پرەمەر-ءمينيسترى دجاستين تريۋدو باسقارۋشى ليبەرالدى پارتيانىڭ جەتەكشىسى قىزمەتىنەن كەتەتىنىن مالىمدەدى. ول ءوزىن الماستىراتىن كانديداتۋرا انىقتالعانعا دەيىن پرەمەر-مينيستر لاۋازىمىن اتقارادى، دەپ حابارلايدى «ادىرنا» ءتىلشىسى.
تريۋدو ءوز ۇندەۋىندە «كۇرەسكەر» بولىپ قالا بەرەتىنىن ايتتى. سونداي-اق بۇنداي شەشىم قابىلداۋىنا ۇكىمەتتەگى داعدارىس سەبەپ بولعانىن مالىمدەدى.
«مەن پارتيانى جەڭىسكە جەتەلەيتىن تاڭداۋ ەمەسپىن. ونى انىق سەزىندىم. الداعى ايلاردا ەلدى جاڭا سايلاۋ كۇتىپ تۇر. مەن ءوز كانديداتۋرامدى ۇسىنبايمىن. حالىق كەلەسى رەفەرەندۋمدا شىنايى تاڭداۋ جاساۋعا قۇقىلى»،—دەدى ول.
ساراپشىلاردىڭ پىكىرىنشە، تريۋدونىڭ قىزمەتىنەن كەتۋى كانادانىڭ كونسەرۆاتيۆتى پارتياسىن جەتەكشى ورىنعا قايتا شىعارۋى مۇمكىن.
كاناداداعى ۇكىمەتتىك داعدارىس وتكەن جىلدىڭ سوڭىندا باستالدى. 16 جەلتوقساندا كانادانىڭ قارجى ءمينيسترى حريستيا فريلاند وتستاۆكاعا كەتتى.
ايتا كەتەيىك، تريۋدو پرەمەر-مينيستر لاۋازىمىنا 2015 جىلى تاعايىندالعان بولاتىن.
