6 qańtarda Kanada premer-mınıstri Djastın Trıýdo basqarýshy lıberaldy partııanyń jetekshisi qyzmetinen ketetinin málimdedi. Ol ózin almastyratyn kandıdatýra anyqtalǵanǵa deıin premer-mınıstr laýazymyn atqarady, dep habarlaıdy «Adyrna» tilshisi.
Trıýdo óz úndeýinde «kúresker» bolyp qala beretinin aıtty. Sondaı-aq bundaı sheshim qabyldaýyna Úkimettegi daǵdarys sebep bolǵanyn málimdedi.
«Men partııany jeńiske jeteleıtin tańdaý emespin. Ony anyq sezindim. Aldaǵy aılarda eldi jańa saılaý kútip tur. Men óz kandıdatýramdy usynbaımyn. Halyq kelesi referendýmda shynaıy tańdaý jasaýǵa quqyly»,—dedi ol.
Sarapshylardyń pikirinshe, Trıýdonyń qyzmetinen ketýi Kanadanyń konservatıvti partııasyn jetekshi orynǵa qaıta shyǵarýy múmkin.
Kanadadaǵy úkimettik daǵdarys ótken jyldyń sońynda bastaldy. 16 jeltoqsanda Kanadanyń qarjy mınıstri Hrıstıa Frıland otstavkaǵa ketti.
Aıta keteıik, Trıýdo premer-mınıstr laýazymyna 2015 jyly taǵaıyndalǵan bolatyn.
