الماتىدا قىتاي ەكسپانسياسىنا قارسى شىققان ەكى بەلسەندى سوتتالدى

4369

الماتىدا 4 قىركۇيەكتە قىتاي ەكسپانسياسىنا قارسى ميتينگىگە قاتىسقان  ەكى بەلسەندى ۇستالىپ، سوتتالدى، دەپ حابارلايدى Vlast.kz.

«بەلسەندىلەر ايدوس بازارحان مەن اسحات جەكسەنباەۆ قاماۋعا الىندى. ولار كەشكە اكىمشىلىك سوتقا جەتكىزىلدى. ولارعا ون كۇن (اكىمشىلىك قاماۋعا الۋ) بەرىلدى »، - دەدى ازاماتتىق بەلسەندى مارات تۋرىمبەتوۆ باسىلىمعا. ونىڭ ايتۋىنشا، ميتينگكە قاتىسقان تاعى ءبىر قوعامدىق بەلسەندى مۇرات شورمانوۆتى بەلگىسىز باعىتتا الىپ كەتكەن.

ۇستالعانداردى قولداۋ ءۇشىن اكىمشىلىك سوت عيماراتىنا كەلگەن الماتىلىقتاردىڭ ايتۋىنشا، ەر ادامدارعا ادۆوكاتتار بەرىلمەگەن. باسىلىم بۇل اقپاراتتى قالالىق سوتتىڭ ءباسپاسوز قىزمەتىنەن ناقتىلاي المادى.

16 قىركۇيەك كۇنى الماتى پوليتسيا دەپارتامەنتىنىڭ ءباسپاسوز قىزمەتى Facebook-تەگى پاراقشاسىندا رەسپۋبليكالىق «سيۋجەت» جەدەل-الدىن الۋ شاراسىن جاريالاعانىن اتاپ وتكەن ءجون.  ونىڭ ماقساتى، پوليتسيانىڭ ايتۋىنشا، «ازاماتتاردىڭ قاۋىپسىزدىگىن قامتاماسىز ەتۋ، قوعامدىق ءتارتىپتى ساقتاۋ، قىلمىستار مەن قۇقىق بۇزۋشىلىقتاردىڭ الدىن الۋ، انىقتاۋ جانە جولىن كەسۋ».

بەلسەندىلەر بۇل ءىس-شارا 21 قىركۇيەكتە جاريالانعان ميتينگى قارساڭىندا ساياسي بەلسەندىلىكتىڭ جولىن كەسۋگە باعىتتالعان دەپ سانايدى، ونىڭ تاقىرىبى قىتايدىڭ تاعى دا قازاقستانعا ىقپالى بولماق، دەپ جازادى گازەت.

وتكەن اپتانىڭ سوڭىندا شىعىس قازاقستان وبلىسىندا ايماقتىڭ بىرىندە جەردى قىتايلارعا بەرۋ تۋرالى قاۋەسەتتىڭ تارالۋىنا بايلانىستى بىرنەشە ادام ۇستالدى. ولارعا قاتىستى قر قك 274-بابىنىڭ 2-بولىگى (كورىنەۋ جالعان اقپارات تاراتۋ) نەگىزىندە تەرگەۋ باستالدى.

سوڭعى بەلسەندىلەردى تۇتقىنداۋعا  دەيىن جاڭاوزەندە جانە قازاقستاننىڭ باسقا دا بىرقاتار قالالارىندا، سونىڭ ىشىندە الماتىدا قىتايعا قارسى ميتينگىلەر وتكەن بولاتىن.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket