Şyǧys Qazaqstan oblysynda köppäterlı tūrǧyn üi keşenın salu syltauymen 1,8 mlrd teŋge kölemındegı qarajatty jymqyrǧandar ūstaldy, dep habarlaidy "Adyrna" ūlttyq portaly Qarjylyq monitoring agenttıgıne sılteme jasap.
Şyǧys Qazaqstan oblysy boiynşa QMA departamentı qūrylys kompaniiasynyŋ top-menedjerlerınıŋ zaŋsyz äreketın toqtatty.
Ekı küdıktı Öskemen qalasynda tūrǧyn üi qūrylysyna ülestık qatysu turaly jalǧan kelısımşarttar jasap, 102 azamatty aldaǧan. Şyn mänınde, būl nysan qūrylysy ūzaqqa sozylǧan qūrylysqa ainalǧan. Merzımı bırneşe ret ūzartylǧanyna qaramastan, tūrǧyn üi keşenı salynbai qalǧan.
Aita ketu kerek, zaŋ talaptaryna qaramastan, kompaniia üleskerlerdıŋ qarajatyn tartuǧa rūqsat beretın qūjattarǧa ie bolmaǧan.
— Küdıktıler sot sanksiiasymen qamauǧa alynyp, tergeu izoliatoryna qamaldy. Jäbırlenuşılerdıŋ şyǧynyn öteu jäne tärkıleudı qamtamasyz etu maqsatynda küdıktılerdıŋ 2,3 mlrd teŋge kölemındegı mülkıne tyiym salyndy. QPK-nıŋ 201-babyna säikes basqa mälımetterdı jariialauǧa bolmaidy, — dep habarlady QMA ökılderı.
Ūqsas jaŋalyqtar
