Shyǵys Qazaqstan oblysynda kóppáterli turǵyn úı keshenin salý syltaýymen 1,8 mlrd teńge kólemindegi qarajatty jymqyrǵandar ustaldy, dep habarlaıdy "Adyrna" ulttyq portaly Qarjylyq monıtorıng agenttigine silteme jasap.
Shyǵys Qazaqstan oblysy boıynsha QMA departamenti qurylys kompanııasynyń top-menedjerleriniń zańsyz áreketin toqtatty.
Eki kúdikti Óskemen qalasynda turǵyn úı qurylysyna úlestik qatysý týraly jalǵan kelisimsharttar jasap, 102 azamatty aldaǵan. Shyn máninde, bul nysan qurylysy uzaqqa sozylǵan qurylysqa aınalǵan. Merzimi birneshe ret uzartylǵanyna qaramastan, turǵyn úı kesheni salynbaı qalǵan.
Aıta ketý kerek, zań talaptaryna qaramastan, kompanııa úleskerlerdiń qarajatyn tartýǵa ruqsat beretin qujattarǵa ıe bolmaǵan.
— Kúdiktiler sot sankııasymen qamaýǵa alynyp, tergeý ızolıatoryna qamaldy. Jábirlenýshilerdiń shyǵynyn óteý jáne tárkileýdi qamtamasyz etý maqsatynda kúdiktilerdiń 2,3 mlrd teńge kólemindegi múlkine tyıym salyndy. QPK-niń 201-babyna sáıkes basqa málimetterdi jarııalaýǵa bolmaıdy, — dep habarlady QMA ókilderi.
