وڭتۇستىك وڭىردەن سولتۇستىك وڭىرگە ازاماتتاردى ەرىكتى تۇردە قونىس اۋدارۋ باعدارلاماسى اياقتالعان. الايدا ناتيجە كوڭىل كونشىتپەي تۇر، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
قازاقستاننىڭ سولتۇستىك وڭىرلەرىندەگى دەموگرافيالىق جاعدايدى زەرتتەگەن عالىمدار وسىنداي تۇجىرىم جاساعان.
زەرتتەۋ جەتەكشىسى - س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ پروفەسسورى قايرات بوداۋحان. عالىم باعدارلامانىڭ ىسكە اسپاي قالۋىنىڭ سەبەبىن جۇمىس كۇشىنە سۇرانىستىڭ جوقتىعى، اۋا رايىنىڭ قولايسىزدىعى جانە جەرگىلىكتى تۇرعىنداردىڭ مەنتاليتەتى دەپ اتادى.
"ولار سۇراعان سالا ەمەس، باسقا سالا بويىنشا ماماندار كەلگەن. مىسالى، جۇمىسسىز، قارىزعا باتقان، از قامتاماسىز ەتىلگەن وڭتۇستىك ءوڭىردىڭ ازاماتتارى جاعدايىن تۇزەتۋ ماقساتىندا سولتۇستىككە قونىس اۋداردى. الايدا ولارعا سولتۇستىكتە سۇرانىس بولماعاندىقتان ۇلكەن ماسەلە تۋدىردى. سولتۇستىككە كوشسە، بارلىق پروبلەمالار شەشىلەدى دەپ ايتۋعا بولمايدى. سەبەبى ول جەردىڭ مەنتاليتەتى باسقا. ەكىنشىدەن، سولتۇستىك وڭىردە كوكتەم وڭتۇستىكتەگى قىس مەزگىلىنە ۇقساس. سوندىقتان وڭتۇستىك ءوڭىر تۇرعىندارىنىڭ سولتۇستىكتە تۇرۋى قيىن، ويتكەنى قىس 6 ايعا سوزىلادى", – دەدى پروفەسسور.
عالىمنىڭ سوزىنشە، جىل سايىن سولتۇستىك وڭىرلەردىڭ حالىق سانىنىڭ ازايۋى بايقالادى.
وسىعان سايكەس، ءماجىلىس دەپۋتاتى جارقىنبەك امانتاي دا پىكىرىن ءبىلدىردى.
ء"بىز تۇركىستان قالاسىن رەكونسترۋكتسيالاۋ مەن ترانسفورماتسيالاۋ كەزىندە ىشكى ميگراتسيانىڭ باياۋلاعانىن بايقادىق. بولاشاعى استانانىڭ قۇرىلىسى سياقتى جارقىن كورىنەتىن قالاعا، اسىرەسە جاستار اراسىندا حالىقتىڭ اعىلۋى بايقالدى. ءدال سونداي، سولتۇستىكتە ءبىر ۇلكەن جوبانى باستاۋ كەرەك. ءبىر قالاعا ساياسي ماڭىز بەرۋ جانە جاڭا كەلبەت بەرۋ قاجەت. مەنىڭ ويىمشا، سوندا عانا وسى قالاعا جاستار بەلسەندى تۇردە قونىس اۋدارادى", – دەدى دەپۋتات.
