جاپونيانىڭ ەڭ قارت تۇرعىنى جانە الەمدەگى ەڭ قارت ادام اتانعان توميكو يتووكا 116 جاسىندا ومىردەن ءوتتى، دەپ حابارلايدى “ادىرنا” ۇلتتىق پورتالى.
بۇل تۋرالى كيودو اگەنتتىگى حابارلادى.
يتووكا 29 جەلتوقسان كۇنى قايتىس بولعان. ول الەمدەگى ەڭ قارت ادام مارتەبەسىن 2023 جىلدىڭ جەلتوقسانىندا، 116 جاستاعى فۋسا تاتسۋمي قايتىس بولعاننان كەيىن يەلەنگەن ەدى.
توميكو يتووكاعا 2024 جىلدىڭ قىركۇيەگىندە گيننەستىڭ رەكوردتار كىتابى رەسمي تۇردە “الەمدەگى ەڭ قارت ادام” اتاعىن بەرگەن بولاتىن. قازىرگى تاڭدا بۇل مارتەبە برازيليانىڭ 116 جاستاعى تۇرعىنى ينا كاناباررو لۋكاسقا ءوتتى.
ەسكە سالا كەتەيىك، توميكو يتووكا جاپونيانىڭ اcيا قالاسىندا تۇرعان جانە وسى جىلدىڭ تامىز ايىندا الەمنىڭ ەڭ قارت تۇرعىنى رەتىندە تىركەلگەن بولاتىن.
