25 جەلتوقساندا اقتاۋ ماڭىندا اپاتقا ۇشىراعان ۇشاقتىڭ قارا جاشىكتەرىن زەرتتەۋ جۇمىستارى باستالدى، دەپ حابارلايدى "ادىرنا" ۇلتتىق پورتالى.
وسىعان دەيىن انىقتالعانداي قارا جاشىكتى زەرتتەۋ جۇمىستارىنا قازاقستان، ازەربايجان مەن رەسەيدىڭ تەرگەۋشىلەرى قاتىسىپ جاتىر.
"قايعىلى وقيعانىڭ سەبەپتەرىن انىقتاۋ ءۇشىن ۆيرتۋالدى شىندىقتى پايدالانىپ گرافيكالىق رەكونسترۋكتسيا جاساۋ جوسپارلانىپ وتىر", - دەلىنگەن حابارلامادا.ازەربايجان مەن برازيليانىڭ اقپارات اگەنتتىكتەرىنىڭ مالىمەتىنشە، قارا جاشىكتەن الىنعان اقپارات قازاقستاننىڭ اۆياتسيالىق وقيعالاردى تەرگەۋ دەپارتامەنتىنە جىبەرىلەدى. ەسكە سالا كەتەيىك، اقتاۋ ماڭىندا ازەربايجان مەملەكەتىنە تيەسىلى ۇشاق قۇلاپ، بىرنەشە ادام قازا تاپقان بولاتىن. ال جارالانعاندار ەكى-ءۇش كۇننەن سوڭ ازەربايجانعا جىبەرىلدى.
ۇقساس جاڭالىقتار
