شىعىس قازاقستان وبلىسىنداعى تاسجولدا قار كوشكىنى ءجۇردى. بۇل تۋرالى شقو توتەنشە جاعدايلار دەپارتامەنتى ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
مالىمەتكە سۇيەنسەك، كوشكىن بۇگىن التاي اۋدانىندا جۇرگەن.
“رەسپۋبليكالىق ماڭىزى بار «وسكەمەن — التاي — ۇلكەن نارىن — قاتونقاراعاي — راحمان قاينارلارى» تاسجولىنىڭ 62-ءشى شاقىرىمدا وزدىگىنەن قار كوشكىنى ءجۇردى. بۇل جول ۋچاسكەسى قاۋىپسىزدىك ماقساتىندا الدىن الا جابىلعان. تۇسكەن قاردىڭ جالپى كولەمى — 1300 تەكشە مەتر”، — دەلىنگەن اقپاراتتا.
كوشكىننىڭ جۇرۋىنە قاردىڭ قالىڭ جاۋىپ، جەلدىڭ كۇشەيۋى سەبەر بولىپ وتىر. ابىروي بولعاندا، زارداپ شەككەن ەشكىم جوق.
“قار جولدى تولىقتاي جاۋىپ قالدى. «كاجسەرۆيس» جشس-نىڭ 4 تەحنيكاسى جولدى تازارتۋعا جۇمىلدىرىلدى”، — دەلىنگەن حابارلامادا.
قۇتقارۋشىلار قار كوشكىنى قاۋپى ءالى دە ساقتالعاندىقتان ءوڭىر جۇرتشىلىعىنا تاۋلى جەرلەرگە بارۋدىڭ قاۋىپتى ەكەندىگىن ەسكەرتتى.
