Шығыс Қазақстанда қар көшкіні жүрді

1167
Adyrna.kz Telegram
https://adyrna.kz/content/uploads/2023/12/7fe77f11-4487-4c15-90e3-828bdde47557-960x500.jpeg?token=15fd8e6e64fa82ceba17fcc9a7dbc0e8
Шығыс Қазақстан облысындағы тасжолда қар көшкіні жүрді. Бұл туралы ШҚО төтенше жағдайлар департаменті баспасөз қызметі жариялады, деп хабарлайды “Адырна” ұлттық порталы. Мәліметке сүйенсек, көшкін бүгін Алтай ауданында жүрген. “Республикалық маңызы бар «Өскемен — Алтай — Үлкен Нарын — Қатонқарағай — Рахман қайнарлары» тасжолының 62-ші шақырымда өздігінен қар көшкіні жүрді. Бұл жол учаскесі қауіпсіздік мақсатында алдын ала жабылған. Түскен қардың жалпы көлемі — 1300 текше метр”, — делінген ақпаратта. Көшкіннің жүруіне қардың қалың жауып, желдің күшеюі себер болып отыр. Абырой болғанда, зардап шеккен ешкім жоқ. “Қар жолды толықтай жауып қалды. «КАЖсервис» ЖШС-ның 4 техникасы жолды тазартуға жұмылдырылды”, — делінген хабарламада. Құтқарушылар қар көшкіні қаупі әлі де сақталғандықтан өңір жұртшылығына таулы жерлерге барудың қауіпті екендігін ескертті.
Пікірлер