2025 جىلدىڭ 1 قاڭتارىنان باستاپ شەتەلدىك ازاماتتارعا جەكە سايكەستەندىرۋ نومىرلەرىن (جسن) بەرۋ ۋاقىتشا توقتاتىلادى. بۇل تۋرالى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قازاقستان رەسپۋبليكاسىنىڭ شەتەلدىك مەكەمەلەرى ارقىلى شەتەلدىك ازاماتتارعا جەكە يدەنتيفيكاتسيالىق ءنومىرىن بەرۋ بويىنشا پيلوتتىق جوبانىڭ اياقتالۋىنا بايلانىستى، 2025 جىلدىڭ 1 قاڭتارىنان باستاپ شەتەلدىك ازاماتتارعا جسن بەرۋ ۋاقىتشا توقتاتىلادى»، – دەپ حابارلادى مەكەمە.
ۆەدومستۆونىڭ مالىمەتىنشە، جسن تۋرالى قاجەتتى اقپاراتتى ەلشىلىكتىڭ رەسمي سايتىنان الۋعا بولادى.
جسن – دەرەكقورداعى بىرەگەي كود، ول قازاقستاندا كەز كەلگەن تسيفرلىق مەملەكەتتىك قىزمەتتەردى الۋ ءۇشىن، سونداي-اق قازاقستاندىق بانكتەردە شوت اشۋ ءۇشىن قاجەت.
ايتا كەتەيىك، شەتەلدىك ازاماتتارعا جسن بەرۋدى توقتاتۋ تۋرالى حابارلاما قازاقستاننىڭ بەلارۋستەگى ەلشىلىگىنە دە حابارلانعان.
اقپاراتتا 2024 جىلدىڭ 31 جەلتوقسانىنا دەيىن «قازاقستان رەسپۋبليكاسىنىڭ شەتەلدىك اگەنتتىكتەرى ارقىلى شەتەل ازاماتتارىنا جەكە سايكەستەندىرۋ نومىرلەرىن قالىپتاستىرۋ» مەملەكەتتىك قىزمەتىن كورسەتۋ بويىنشا پيلوتتىق جوبا جۇزەگە اسىرىلاتىنى ايتىلعان.
وسىلايشا، 2025 جىلدىڭ 1 قاڭتارىنان باستاپ بۇل قىزمەت كورسەتىلمەيدى.
