2025 jyldyń 1 qańtarynan bastap sheteldik azamattarǵa jeke sáıkestendirý nómirlerin (JSN) berý ýaqytsha toqtatylady. Bul týraly Qazaqstannyń Reseıdegi elshiliginiń baspasóz qyzmeti málimdedi, dep habarlaıdy “Adyrna” ulttyq portaly.
«Qazaqstan Respýblıkasynyń sheteldik mekemeleri arqyly sheteldik azamattarǵa jeke ıdentıfıkaııalyq nómirin berý boıynsha pılottyq jobanyń aıaqtalýyna baılanysty, 2025 jyldyń 1 qańtarynan bastap sheteldik azamattarǵa JSN berý ýaqytsha toqtatylady», – dep habarlady mekeme.
Vedomstvonyń málimetinshe, JSN týraly qajetti aqparatty elshiliktiń resmı saıtynan alýǵa bolady.
JSN – derekqordaǵy biregeı kod, ol Qazaqstanda kez kelgen ıfrlyq memlekettik qyzmetterdi alý úshin, sondaı-aq qazaqstandyq bankterde shot ashý úshin qajet.
Aıta keteıik, sheteldik azamattarǵa JSN berýdi toqtatý týraly habarlama Qazaqstannyń Belarýstegi elshiligine de habarlanǵan.
Aqparatta 2024 jyldyń 31 jeltoqsanyna deıin «Qazaqstan Respýblıkasynyń sheteldik agenttikteri arqyly shetel azamattaryna jeke sáıkestendirý nómirlerin qalyptastyrý» memlekettik qyzmetin kórsetý boıynsha pılottyq joba júzege asyrylatyny aıtylǵan.
Osylaısha, 2025 jyldyń 1 qańtarynan bastap bul qyzmet kórsetilmeıdi.
