سيريانىڭ بۇرىنعى پرەزيدەنتى باشار اسادتىڭ ايەلى اسما قاتەرلى ىسىكپەن كۇرەستى ءارى قاراي جالعاستىرۋ ءۇشىن لوندونعا ورالا الماي وتىر. بۇل تۋرالى The Times جازدى، دەپ حابارلايدى «ادىرنا» ءتىلشىسى.
شەتەلدىك باق-تىڭ مالىمەتىنشە، ايەلدىڭ بريتاندىق تولقۇجاتىنىڭ مەرزىمى ءتورت جىل بۇرىن ءوتىپ كەتكەن ەكەن. سول ەلدە تۋعان اسما اساد بريتانيا پاسپورتىنا يە ەكەنى ەندى بەلگىلى بولىپ جاتىر. بەيرەسمي دەرەكتەرگە سۇيەنسەك، بريتانيا ىشكى ىستەر مينيسترلىگى اسما اسادقا ەلگە كىرۋگە رۇقسات بەرمەي وتىرعانعا ۇقسايدى. اسما اساد دەنساۋلىعىن قاراتۋ ءۇشىن بريتانياعا بارماق ەدى.
بۇعان دەيىن باشار اسادتىڭ ايەلى اجىراسۋعا ارىز جازدى دەگەن اقپارات تاراعان ەدى. الايدا 23 جەلتوقساندا رەسەي پرەزيدەنتىنىڭ ءباسپاسوز حاتشىسى دميتري پەسكوۆ بۇل اقپاراتتى جوققا شىعاردى.
