Sırııanyń burynǵy prezıdenti Bashar Asadtyń áıeli Asma qaterli isikpen kúresti ári qaraı jalǵastyrý úshin Londonǵa orala almaı otyr. Bul týraly The Times jazdy, dep habarlaıdy «Adyrna» tilshisi.
Sheteldik BAQ-tyń málimetinshe, áıeldiń brıtandyq tólqujatynyń merzimi tórt jyl buryn ótip ketken eken. Sol elde týǵan Asma Asad Brıtanııa pasportyna ıe ekeni endi belgili bolyp jatyr. Beıresmı derekterge súıensek, Brıtanııa ishki ister mınıstrligi Asma Asadqa elge kirýge ruqsat bermeı otyrǵanǵa uqsaıdy. Asma Asad densaýlyǵyn qaratý úshin Brıtanııaǵa barmaq edi.
Buǵan deıin Bashar Asadtyń áıeli ajyrasýǵa aryz jazdy degen aqparat taraǵan edi. Alaıda 23 jeltoqsanda Reseı prezıdentiniń baspasóz hatshysy Dmıtrıı Peskov bul aqparatty joqqa shyǵardy.
