ۇلىتاۋ وبلىسىنىڭ جەزقازعان قالاسىنداعى جىلۋ جەلىلەرىن جوندەۋ ءۇشىن رەزەرۆتەن قارجى ءبولدى. بۇل تۋرالى بۇگىن، 30 جەلتوقساندا ۇكىمەتتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قازىرگى تاڭدا قالاداعى قۇبىرلاردىڭ 60 پايىزعا جۋىعى توزعان. رەسمي دەرەكتەرگە سۇيەنسەك، جەلىلەردىڭ باستى بولىكتەرى 1951 جىلى پايدالانۋعا بەرىلگەن.
«قۇجات قازاقستان ۇكىمەتىنىڭ رەزەرۆىنەن ۇلىتاۋ وبلىسىنىڭ بيۋدجەتىنە ماقساتتى ترانسفەرتتەر تۇرىندە اۋدارۋ ءۇشىن 1,5 ملرد تەڭگە كولەمىندە قاراجات ءبولۋدى كوزدەيدى. قارجىلاندىرۋ «جەزقازعان قالاسىنىڭ تم11 جىلۋ جەلىلەرىن رەكونسترۋكتسيالاۋ مەن جاڭعىرتۋ» جوباسىنىڭ 2-ءشى كەزەگىن ىسكە اسىرۋعا باعىتتالادى»، – دەلىنگەن حابارلامادا.
ايتا كەتەيىك، جەزقازعان قالاسىندا 89 مىڭ ادام تۇرادى. قالاعا جىلۋ ەلەكتر ورتالىعى جىلۋ بەرەدى. قالالىق جىلۋ جەلىلەرى 398 شاقىرىمعا سوزىلىپ جاتىر.
