Ulytaý oblysynyń Jezqazǵan qalasyndaǵy jylý jelilerin jóndeý úshin rezervten qarjy bóldi. Bul týraly búgin, 30 jeltoqsanda Úkimettiń baspasóz qyzmeti aıtty, dep habarlaıdy «Adyrna» tilshisi.
Qazirgi tańda qaladaǵy qubyrlardyń 60 paıyzǵa jýyǵy tozǵan. Resmı derekterge súıensek, jelilerdiń basty bólikteri 1951 jyly paıdalanýǵa berilgen.
«Qujat Qazaqstan Úkimetiniń rezervinen Ulytaý oblysynyń bıýdjetine maqsatty transfertter túrinde aýdarý úshin 1,5 mlrd teńge kóleminde qarajat bólýdi kózdeıdi. Qarjylandyrý «Jezqazǵan qalasynyń TM11 jylý jelilerin rekonstrýkııalaý men jańǵyrtý» jobasynyń 2-shi kezegin iske asyrýǵa baǵyttalady», – delingen habarlamada.
Aıta keteıik, Jezqazǵan qalasynda 89 myń adam turady. Qalaǵa jylý elektr ortalyǵy jylý beredi. Qalalyq jylý jelileri 398 shaqyrymǵa sozylyp jatyr.
