UzAuto Motors bas direktory Bu İnge Andersson qyzmetınen kettı, dep habarlaidy "Adyrna" ūlttyq portaly.
Bu İnge Andersson UzAuto Motors jäne UzAuto Motors Powertrain kompaniialarynyŋ bas direktory qyzmetın atqardy.
Onyŋ qyzmetten ketuınıŋ sebebı jariialanǧan joq.
Oǧan arnalǧan saltanatty şara barysynda şved mamanynyŋ Özbekstandaǧy avtomobil önerkäsıbın damytuǧa qosqan ülesı erekşe atalyp öttı. Anderssonnyŋ basşylyǧymen kompaniia bırqatar jetıstıkterge qol jetkızgen. Ol basşylyq etkende 2023 jyly 395,4 myŋ avtomobil şyǧarylyp, būl körsetkış 2022 jylmen salystyrǧanda 20%-ǧa östı. 2024 jyly da öndırıs kölemı joǧary bolady dep kütılude.
Sondai-aq, Chevrolet Tracker jäne Chevrolet Onix modelderı jappai öndırıske şyǧaryldy. Kompaniia TMD men Ortalyq Aziiada jeŋıl avtomobilder öndıru boiynşa köşbasşy atandy. Özbekstan Chevrolet üşın älem boiynşa ekınşı maŋyzdy naryq boldy. Öndırıstegı jergılıktı qūramnyŋ ülesı 50%-dan asty.
Bu İnge Andersson 2021 jyldyŋ tamyzynda UzAuto Motors bas direktory bolyp taǧaiyndalǧan. Būǧan deiın ol 2017 jyldan bastap japondyq Yazaki kompaniiasynyŋ Europalyq bölımşesın basqarǧan, al 2009-2013 jyldary «GAZ toby» prezidentı qyzmetın atqarǧan.
Ūqsas jaŋalyqtar
