مەملەكەتتىك كەڭەسشى ەرلان قارين ءال-فارابي اتىنداعى قازاق ۇلتتىق ۋنيۆەرسيتەتىنىڭ 90 جىلدىعىنا ارنالعان سالتاناتتى جيىنعا قاتىستى، دەپ حابارلايدى "ادىرنا" ۇلتتىق پورتالى.
جيىندا پرەزيدەنتتىڭ باستاماسىمەن قولعا الىنعان وزگەرىستەردىڭ تۇپكى ماقساتىنا توقتالدى.
«پرەزيدەنتتىڭ جۇرگىزىپ وتىرعان ساياساتىنىڭ تۇپكى ماقساتى – مەملەكەتتىڭ ىرگەسىن مىقتاپ بەكەمدەپ، قۋاتىن ودان دا ارتتىرىپ، الەمدەگى جاڭا جاعدايلار مەن ۇردىستەرگە بەيىمدەۋ. سوندىقتان، ءبىزدىڭ ەلىمىز عانا ەمەس، بۇكىل الەم سىناققا تۇسكەن وسىنداي ساتتە، بيىك ماقساتتار جولىندا مەملەكەت باسشىسى جۇرگىزىپ وتىرعان وسى جۇمىستاردىڭ توڭىرەگىنە مەيلىنشە توپتاسىپ، جۇدىرىقتاي جۇمىلۋىمىز كەرەك»،- دەدى مەملەكەتتىك كەڭەسشى.
