بۇگىن استانادا قازاقستان مۇسىلماندارىنىڭ ح قۇرىلتايىندا قمدب توراعاسى، باس ءمۇفتي بولىپ ناۋرىزباي قاجى تاعانۇلى قايتا سايلاندى، دەپ حابارلايدى "ادىرنا" ۇلتتىق پورتالى.
قۇرىلتايعا جينالعان 300-گە جۋىق دەلەگات وسى كانديداتۋراعا ءبىراۋىزدان داۋىس بەرىپ، قولداۋ كورسەتكەن.
«قۇرىلتايعا ەلىمىزدىڭ ءار وبلىسىنان كەلگەن 300-گە جۋىق دەلەگات مەنىڭ كانديداتۋراما داۋىس بەرىپ، سەنىم ءبىلدىرىپ، باس ءمۇفتي لاۋازىمىنا قايتا سايلادى. بۇل سەنىمدى ابىرويمەن اقتاۋعا بار كۇش-جىگەرىمدى جۇمسايمىن. جوسپارلاپ وتىرعان بىرقاتار جۇمىستارىمىز بار. ماسەلەن، الداعى 2025 جىلى قازاقستان مۇسىلماندارى ءدىني باسقارماسىنىڭ دەربەس ءمۇفتيات بولىپ قۇرىلعانىنا 35 جىل تولادى. مەرەيتوي اياسىندا جوسپارداعى كوپتەگەن يگى ىستەردى جۇرت بولىپ جۇمىلىپ، حالىق بولىپ بىرىگىپ اتقارۋعا بارشاڭىزدى شاقىرامىن» دەدى.
ايتا كەتەيىك، ناۋرىزباي قاجى تاعانۇلى قمدب توراعاسى، باس ءمۇفتي لاۋازىمىنا ەكىنشى رەت سايلانىپ وتىر.
