قاجىلىق ساپارىن ورىنداۋ ءۇشىن ارنايى ۆيزا قاجەتتىگى ايتىلدى، دەپ حابارلايدى “ادىرنا” ۇلتتىق پورتالى قازاقستان مۇسىلماندارى ءدىني باسقارماسىنىڭ رەسمي مالىمدەمەسىنە سىلتەپ.
2024 جىلى 24 ساۋىردە ساۋد ارابياسى كورولدىگىنىڭ جوعارى عۇلامالار كوميتەتىنىڭ وتىرىسىندا كەلەسى ءپاتۋا قابىلداندى:
«قاجىلىق ۆيزاسىن الۋ مىندەتتى، سوندىقتان قاجىلىق ۆيزاسىنسىز بارعان ادام زاڭسىزدىققا بارادى. ويتكەنى زاڭسىز كەلۋ سالدارىنان قاجىلاردىڭ سانى شەكتەن تىس كوپ بولىپ، قاۋىپسىزدىگىنە نۇقسان كەلتىرىلىپ، قاجىلاردىڭ قۇقىعى بۇزىلىپ، جۇرتتىڭ دا مۇددەسى اياق استى بولادى»، – دەلىنگەن حابارلامادا.
سونداي-اق قمدب جانىنداعى عۇلامالار كەڭەسىنىڭ شەشىمى بويىنشا قاجىلىققا تەك قاجىلىق ۆيزاسىمەن جانە زاڭدى جولمەن بارۋ – مىندەت. رۇقسات قۇجاتىن بۇرمالاۋعا تىيىم سالىنادى. ءمۇفتيات قاجىلىق ۆيزاسىنسىز (تۋريستىك، ستۋدەنتتىك، جۇمىس ت.ب.) قاجىلىق جاساۋ – كۇنا بولىپ تابىلاتىندىعى جونىندە شىعارعان ارنايى ءپاتۋاسى بار ەكەندىگىن دە ەسكە سالدى.
