رەسەيلىك BAZA Telegram-ارناسى باكۋ – گروزنىي رەيسىمەن ۇشقان جولاۋشىلار ءتىزىمىن جاريالادى. سونىمەن قاتار جولاۋشىلاردىڭ قاي ەلدىڭ ازاماتتارى ەكەنى بەلگىلى بولدى، دەپ حابارلايدى "ادىرنا" ۇلتتىق پورتالى.
اقپاراتىنا سايكەس، بورتتا 67 جولاۋشى جانە 5 ەكيپاج مۇشەسى بولعان.
زارداپ شەككەندەر بويىنشا اقپارات ناقتىلانۋدا. الدىن الا امان قالعان 25 ادام بار، ونىڭ ىشىندە 22 ادام اۋرۋحاناعا جەتكىزىلگەن.
قازاقستان رەسپۋبليكاسىنىڭ كولىك مينيسترلىگىنىڭ الدىن الا دەرەكتەرى بويىنشا، ۇشاق بورتىندا 37 ازەربايجان ازاماتى، 6 قازاقستان ازاماتى، 3 قىرعىزستان ازاماتى جانە 16 رەسەي ازاماتى بولعان.
پرەزيدەنت قاسىم-جومارت توقاەۆتىڭ تاپسىرماسى بويىنشا مەملەكەتتىك كوميسسيا قۇرىلدى.
كوميسسيانى قازاقستان رەسپۋبليكاسى پرەمەر-ءمينيسترىنىڭ ورىنباسارى قانات بوزىمباەۆ باسقارادى.
سونىمەن قاتار، قاسىم-جومارت توقاەۆ استانادان اقتاۋعا مەديتسينا ماماندارىن جىبەرۋدى جانە زارداپ شەككەندەرگە قاجەتتى بارلىق كومەكتى كورسەتۋدى تاپسىردى.
