Reseılik BAZA Telegram-arnasy Baký – Groznyı reısimen ushqan jolaýshylar tizimin jarııalady. Sonymen qatar jolaýshylardyń qaı eldiń azamattary ekeni belgili boldy, dep habarlaıdy "Adyrna" ulttyq portaly.
Aqparatyna sáıkes, bortta 67 jolaýshy jáne 5 ekıpaj múshesi bolǵan.
Zardap shekkender boıynsha aqparat naqtylanýda. Aldyn ala aman qalǵan 25 adam bar, onyń ishinde 22 adam aýrýhanaǵa jetkizilgen.
Qazaqstan Respýblıkasynyń Kólik mınıstrliginiń aldyn ala derekteri boıynsha, ushaq bortynda 37 Ázerbaıjan azamaty, 6 Qazaqstan azamaty, 3 Qyrǵyzstan azamaty jáne 16 Reseı azamaty bolǵan.
Prezıdent Qasym-Jomart Toqaevtyń tapsyrmasy boıynsha memlekettik komıssııa quryldy.
Komıssııany Qazaqstan Respýblıkasy Premer-mınıstriniń orynbasary Qanat Bozymbaev basqarady.
Sonymen qatar, Qasym-Jomart Toqaev Astanadan Aqtaýǵa medıına mamandaryn jiberýdi jáne zardap shekkenderge qajetti barlyq kómekti kórsetýdi tapsyrdy.
