الماتىدا 20 جاستاعى كيكبوكسشى ءالي سەرىكتى ءولتىرىپ كەتتى، دەپ حابارلايدى "ادىرنا" ۇلتتىق پورتالى.
«20 جاستاعى ەر ادامنىڭ ءولىمى بويىنشا ناۋرىزباي اۋدانى پوليتسيا باسقارماسى قىلمىستىق ءىس قوزعادى»، – دەپ مالىمدەدى الماتى پوليتسيا دەپارتامەنتىنىڭ ءباسپاسوز قىزمەتى.
كۇدىكتى ءىزىن سۋىتپاي ۇستالىپ، ۋاقىتشا ۇستاۋ يزولياتورىنا قامالعان.
پوليتسيانىڭ مالىمەتىنشە، تانىستار اراسىندا جانجال شىعىپ، سونىڭ سالدارىنان بىرەۋى پىشاق قولدانعان. قىلمىس قۇرالى تاركىلەندى.
«زا نامي ۋجە ۆىەحالي» تەلەگرام ارناسى قايتىس بولعان ادامنىڭ كيكبوكسشى ءالي سەرىك ەكەنىن حابارلادى.
ءالي سەرىك – كاسىبي كيكبوكسشى، سينگاپۋردىڭ ايگىلى ONE Championship ۇيىمىندا ونەر كورسەتكەن سپورتشى.
2022 جىلى، نەبارى 17 جاسىندا، ول مالايزيادا وتكەن الەم چەمپيوناتىندا ەرەسەكتەر اراسىندا مۋاي-تايدان (ا كلاسى) ەڭ جاس الەم چەمپيونى اتانعان.
2024 جىلى قازاقستاندىق سپورتشى رەسەيدە ابدۋلماناپ نۋرماگومەدوۆ اتىنداعى جەكپە-جەك مەكتەبىندە دايىندىقتان وتكەن.
