سيريادا تەرروريستىك ۇيىمنىڭ قۇرامىندا بولعان 2 قازاقستاندىق سوتتالدى. بۇل تۋرالى بۇگىن، 23 جەلتوقساندا ۇلتتىق قاۋىپسىزدىك كوميتەتى ايتتى، دەپ حابارلايدى «ادىرنا» ءتىلشىسى.
«ولار 2020-2022 جىلدارى سيرياداعى تەررورلىق ۇيىمداردىڭ قاتارىندا بولعان. جۇرگىزىلگەن وپەراتسيالاردىڭ ناتيجەسىندە شەتەلدەن تابىلعان 2 ازامات ەلگە جەتكىزىلىپ، قاماۋعا الىندى»،—دەلىنگەن حابارلامادا.
سولاردىڭ بىرەۋى — تۇركىستان وبلىسىنىڭ تۇرعىنى. ول تەرروريستىك توپتىڭ ارەكەتىنە قاتىسقانى ءۇشىن كىنالى دەپ تانىلعان. ەكىنشىسى — اتىراۋ تۇرعىنى، وسىنداي قىلمىستى جاساعانى، سونداي-اق شەتەلدە تەررورلىق دايىندىقتان وتكەنى ءۇشىن سوتتالعان.
«ەكى فيگۋرانتقا دا ءارتۇرلى جازا وتەۋ مەرزىمى تاعايىندالىپ، ۇكىمدەر زاڭدى كۇشىنە ەندى»،—دەپ تولىقتىردى ۇقك.
