Semeı qalasynda jańa jyldyq shyrshany bezendirý kezinde bıikten qulaǵan muǵalimniń jaǵdaıy belgili boldy, dep habarlaıdy "Adyrna" ulttyq portaly.
49-mektepte jumys isteıtin Qýat Aıtqalıdiń reanımaııaǵa túskeni anyqtaldy. Jýrnalıst ári qoǵam belsendisi Ońǵar Qabden áleýmettik jeli paraqshasynda esin jıǵanyn jazdy.
Al, jýrnalıst Jalǵas Zeınolla Facebook-te qaldyrǵan pikirinde muǵalimniń bas súıegi synǵanyn jáne mıyna qan quıylǵanyn jazǵan. Sondaı-aq, týystaryna qysym kórsetilip jatqanyn da aıtqan.
Buǵan deıin, muǵalimniń mektepte jańa jyldyq shyrshany bezendirý kezinde bıikten qulap, jaraqat alǵany týraly jazǵan edik. Oqý-aǵartý mınıstri Ǵanı Beısembaev bul oqıǵanyń erekshe baqylaýda ekenin aıtqan bolatyn.
