پەتروپاۆلدا كوزىنە پىشاق كىرىپ كەتكەن ءۇش جاسار ءسابيدىڭ جاعدايى تىم اۋىر دەپ باعالانعان، دەپ حابارلايدى "ادىرنا" ۇلتتىق پورتالى.
اۋرۋحاناعا دەرەۋ جەتكىزىلگەن بالانى امان الىپ قالۋ ءۇشىن دارىگەرلەر بار كۇشىن سالىپ جاتقانى حابارلاندى.
باق-تا بالانىڭ اس ۇيدە ورىندىقتان قۇلاپ، پىشاققا قۇلاعانى ايتىلعان. وقيعا بولعان تۇستا ءسابيدىڭ جانىندا اناسى دا بولعان. بىردەن جەدەل جاردەم شاقىرىپ اۋرۋحاناعا جەتكىزگەنشە، ءسابيدىڭ جاعدايى ناشارلاپ، جانساقتاۋ بولىمىنە جاتقىزىلعان. دارىگەرلەر بالانىڭ كوزى زاقىمدانباعان دەيدى. پىشاق جانارىنىڭ ۇستىنەن ءوتىپ، ميىنىڭ ورتاسىنا دەيىن جەتكەن.
“جاعدايى اۋىر. جەدەل تۇردە جانساقتاۋ بولىمشەسىنە ورنالاستىرىلدى. كەرەكتى بارلىق ەمدەۋ جۇرگىزىلدى. دارىگەرلەر كونسيليۋم جاساپ، كتك جاسالىنىپ، ماماندارمەن كەلىسىم جاساپ، وپەراتسياعا كورسەتكىشى جوق. بۇگىنگى تاڭدا التى ساعات سايىن نەيروحيرۋرگتار مەن وفتالمولوگتارمەن كونسۋلتاتسيا الىپ قاجەت جاتىرمىز. بۇكىل قاجەت ەم-شارا جۇرگىزىلەدى”، – دەدى سقو كوپبەيىندى بالالار اۋرۋحاناسىنىڭ ديرەكتورى نۇرلان ايمانوۆ
پوليتسيا بالانىڭ نەدەن جاراقات العانىن انىقتاۋعا كىرىسكەنىن حابارلادى.
“پوليتسيا بولىمىشەسىنە ءۇش جاسار بالانىڭ اۋرۋحاناعا اۋىر جاعدايدا جەتكىزىلگەنى تۋرالى اقپارات ءتۇستى. پەتروپاۆل قالاسىنىڭ پوليتسياسى بالانىڭ جاراقات الۋ سەبەبىن انىقتاۋدا. الدىن الا بولجام بويىنشا، بۇل جاعداي وقىستان بولعان”، – دەدى سقو پوليتسيا دەپارتامەنتىنىڭ ءباسپاسوز حاتشىسى ادەماۋ مەڭدىباەۆا.
