پەتروپاۆلدا 25 جاستاعى تاجىكستان ازاماتى سۋعا باتىپ كەتتى

2231
Adyrna.kz Telegram
فوتو: baq.kz
فوتو: baq.kz

پەتروپاۆلدا پەستروە كولىندە 25 جاستاعى تاجىكستان ازاماتى سۋعا باتىپ كەتتى. بۇل تۋرالى سولتۇستىك قازاقستان وبلىسى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.

"جاستار كاتامارانعا ءمىنىپ، جاعادان تەرەڭدىگى شامامەن 2,5-3 مەتر بولاتىن جەرگە دەيىن ءجۇزىپ بارعان. جىگىت سۋعا باتىپ بارا جاتقانى تۋرالى ەشبىر بەلگى بەرمەگەن. ونىڭ قاسىندا بولعان جىگىتتەر الدىمەن وزدەرى قۇتقارماق بولعان. سودان كەيىن 100-150 مەتر قاشىقتىقتا بولعان قۇتقارۋشىلار كومەككە كەلگەن", - دەدى بريفينگتە سولتۇستىك قازاقستان وبلىسى توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى مارات مۇراتوۆ.

ول وقيعا كولدىڭ سۋعا تۇسۋگە تىيىم سالىنعان بولىگىندە بولعانىن اتاپ ءوتتى.

"قۇتقارۋشىلار سۋعا باتقان ادامدى شىعارىپ، تىرىلتپەك بولعان، بىراق، وكىنىشكە قاراي، جىگىتتى امان الىپ قالا المادى. دارىگەرلەر مەن جەدەل جاردەم بريگاداسى دا جاس جىگىتكە جان بىتىرە المادى", - دەدى مۇراتوۆ.

وسىدان ءۇش كۇن بۇرىن پەتروپاۆلداعى پەستروە كولىندە 64 جاستاعى ەر ادام بەلگىسىز جاعدايدا سۋعا باتىپ كەتتى.

سولتۇستىك قازاقستان وبلىسىندا جىل باسىنان بەرى بەس ادام سۋعا كەتتى، ونىڭ ءبىرى بالا. قايعىلى جاعدايلاردىڭ بارلىعى شومىلۋعا ارنالماعان ورىنداردا بولعان. وتكەن جىلى وڭىردە 22 ادام سۋعا كەتتى، ونىڭ ىشىندە التى بالا بار.

ادىرنا” ۇلتتىق پورتالى

پىكىرلەر