ۆاينەرلەر مەيىرجان تورەباەۆ پەن مەيىرحان شەرنيازوۆ جازاسىن جەڭىلدەتۋدى سۇراپ، سوتقا تالاپ-ارىز ءتۇسىردى. بۇل تۋرالى الماتى قالالىق سوتىنىڭ ءباسپاسوز قىزمەتى مالىملەدى، دەپ حابارلايدى “ادىرنا” ۇلتتىق پورتالى.
«تۇركسىب اۋداندىق سوتىنا جازا شارالارىن اۋىستىرۋ بويىنشا ءىس-ماتەريالدارى كەلىپ ءتۇستى. ءوتىنىش جاقىن ارادا قارالادى»، - دەدى الماتى قالالىق سوتىنىڭ ءباسپاسوز قىزمەتى.
ايتا كەتسەك، بۇعان دەيىن الماتى قالالىق سوتىنىڭ قىلمىستىق ىستەر جونىندەگى سوت القاسى تورەباەۆ پەن شەرنيازوۆقا قاتىستى قىلمىستىق ءىستى اپەللياتسيالىق تارتىپتە قاراپ، ۇكىمدى وزگەرىسسىز قالدىرعان ەدى.
ەسكە سالايىق، ولار ءبىرىنشى ساتىداعى سوتتىڭ ۇكىمىمەن 10 سوتتالۋشى ۇيىمداسقان توپقا نەمەسە قىلمىستىق ۇيىمعا قاتىسۋ، قارجىلىق (ينۆەستيتسيالىق) پيراميدا قۇرۋ جانە ونى باسقارۋ بويىنشا كىنالى دەپ تانىلىپ، 6 جىلدان 14 جىلعا دەيىن باس بوستاندىعىنان ايىرىلعان.
سوتتالۋشىلار مەيىرجان تورەباەۆ پەن مەيىرحان شەرنيازوۆ قارجى پيراميداسىن باسقارعانى ءۇشىن كىنالى دەپ تانىلىپ، 5 جىلعا باس بوستاندىعىنان ايىرىلعان بولاتىن.
