ۇقك ەكس-باسشىسى كارىم ءماسىموۆتىڭ اتىشۋلى ىسىنە شەتەلدىك جۋرناليستەر قىزىعۋشىلىق تانىتۋدا. 21 قازان كۇنى ۋكرايندىق تانىمال ينتەرنەت-باسىلىم قازاقستاندىقتارعا ءالى بەيمالىم بولعان ءىستىڭ جاي-جاپسارىن اشقان ماقالا جاريالادى، دەپ حابارلايدى “ادىرنا” ۇلتتىق پورتالى.
ماقالا اۆتورلارى قازاقستاننىڭ تۇڭعىش پرەزيدەنتى نۇرسۇلتان نازارباەۆ ءاردايىم ءماسىموۆتىڭ ارتىندا تۇرعانىن جانە “قاڭتار وقيعاسىنا” ءماسىموۆ تىكەلەي قاتىستى ەكەنىن جازعان.
“قازاقستانداعى بيىلعى جىلدىڭ باستى وقيعاسى – ۇلتتىق قاۋىپسىزدىك كوميتەتىنىڭ جەرگىلىكتى ارنايى قىزمەتىنىڭ بۇرىنعى باسشىسى كارىم ءماسىموۆ ۇيىمداستىردى دەپ ايىپتالعان مەملەكەتتىك توڭكەرىس ارەكەتى ءوزىنىڭ قيسىندى قورىتىندىسىنا كەلە جاتقانداي.
بيلىك ءماسىموۆ پەن ونىڭ سىبايلاستارى مەملەكەتكە وپاسىزدىق جاساعانى تۋرالى ءىستىڭ سوتقا ءتۇسۋى تۋرالى جاڭالىقتاردى قىزۋ تالقىلاپ جاتىر.
بۇل ءىستىڭ قۇپيالىعىنا قاراماستان، اقپارات الاڭىندا قاڭتارداعى توڭكەرىستىڭ نەگىزگى جانە تۇپكىلىكتى پايدا الۋشىسى زەينەتكەر نۇرسۇلتان نازارباەۆ بولعانىن جانە سول بولىپ قالا بەرەتىنىن، ال ونىڭ جاقىن سەرىكتەرى بەنەفيتسيارلار بولىپ تابىلاتىنىن كورسەتەتىن اقپارات بىرتە-بىرتە «اعىلىپ» جاتىر”،- دەپ جازدى باسىلىم.
سونداي-اق، باسىلىم ءماسىموۆتىڭ تەرگەۋ يزولياتورىندا ونىڭ وتباسى مۇشەلەرى مەن جاقىن ورتاسىنىڭ “قاڭتار وقيعاسىن” ۇيىمداستىرۋداعى ءرولى تۋرالى ايتقانىن جاريالادى.
“ينسايدەرلىك اقپاراتقا سايكەس، تەرگەۋ بارىسىندا ءماسىموۆ بيلىكتى باسىپ الۋ جوسپارىنىڭ ەگجەي-تەگجەيلەرى مەن ارقايسىسىنىڭ ءرولى تۋرالى كۋالىك بەرگەن.
سونىمەن، پروتسەستىڭ باستى ينتريگاسى – ءماسىموۆ پەن ونىڭ سىبايلاستارى. بالكىم، جاقىن ارادا توڭكەرىس ستسەناريىنىڭ باسقا دا قاتىسۋشىلارىنىڭ ەسىمدەرى بەلگىلى بولار… مۇنىڭ بارلىعى نازارباەۆتىڭ مۇددەسى مەن كولەڭكەلى باقىلاۋىندا. بۇل ەپيكالىق وقيعانىڭ كەيىپكەرلەرى نازارباەۆتىڭ ورتانشى كۇيەۋ بالاسى تيمۋر قۇلىباەۆ، ونىڭ قىزدارى داريعا مەن ءاليا نازارباەۆ، پارلامەنت ءماجىلىسىنىڭ سپيكەرى نۇرلان نىعماتۋللين جانە ونىڭ وتباسى، تاعى دا باسقالارى بولۋى مۇمكىن.
اقپاراتتارعا سايكەس، ءماسىموۆ باتىس يستەبليشمەنتىنىڭ تانىمال وكىلدەرىنىڭ «تاققا وتىرۋ» ستراتەگياسىن ازىرلەۋگە ميلليونداعان دوللار جۇمساعان. ماسوندىق ءىز بولعان دەگەن قاۋەسەت بار”،- دەپ جازدى ۋكرايندىق باسىلىم.
ءتىپتى، بۇل ماقالانىڭ جالعاسى بولاتىنىن دا جاسىرمادى.
”ادىرنا” ۇلتتىق پورتالى
